Сахабыт сирин бастакы президенэ Михаил Ефимович Николаев 1993 сыллаахха таһаарбыт ыйааҕынан, алтынньы ый үһүс өрөбүлүгэр саха сирин Ийэлэрин күнүн бэлиэтиибит. Бу үтүө күн чэрчитинэн нэһилиэкпитигэр алтынньы ый 19 күнүгэр «Ийэ — сирдээҕи аанньал» диэн бырааһынньыктааҕы биэчэр буолан ааста. Күндү ийэлэрбит сандалы остуол тула олорон, сэлэһэн, сэргэх сонуннарын атастаһан, оонньоон-көрүлээн сүргэлэрэ көтөҕүлүннэ.